میٹا نے بھارت میں مشہور انسٹاگرام اکاؤنٹ مسلم کو بلاک کردیا

نیویارک : معروف ٹیکنالوجی کمپنی میٹا نے بھارتی حکومت کی درخواست پر بھارت میں انسٹاگرام پر موجود مسلم نامی ایک مشہور پیج کو بلاک کردیا۔

بھارتی ٹی وی کے مطابق انسٹاگرام اکاؤنٹ مسلم کے فوٹوز اینڈ ویڈیوز شیئرنگ ایپ انسٹاگرام پر 6.7 ملین فالوورز ہیں۔

اس اکاونٹ کے بائیو میں لکھا کہ یہ اکاونٹ مسلم کمیونٹی کی تعمیر اور عقیدے کے بارے میں دوسروں کو آگاہ کرنے اور تمام مسلم ممالک کی تازہ ترین صورتحال سے متعلق مستند خبریں دنیا تک پہنچانے کیلیے بنایا گیا ہے۔

انسٹاگرام اکاونٹ مسلم کے بانی امیر نے پاک بھارت کشیدگی کے دوران بھارتی حکومت کے اس اقدام کو سنسر شپ قرار دیا ہے۔