انسانی دماغ میں وائرلیس برین چپ نصب کرنے کا کامیاب تجربہ

ٹیسلا اور ایکس سمیت دیگر کمپنیوں کے مالک ایلون مسک کی کمپنی نیورا لنک نے پہلی مرتبہ  یہ سنگ میل عبور کیا۔

ایلون مسک نے ایکس پر اپنی پوسٹ کے ذریعے بتایا کہ پہلے انسان میں نیورا لنک کا برین چپ امپلانٹ کردیا گیا ہے اور مریض اب ٹھیک ہورہا ہے۔

اس چپ کی مدد سے لوگ اپنے خیالات کے ذریعے موبائل فون، کمپیوٹر سمیت تمام الیکٹرانک ڈیوائسز کو کنٹرول کرسکیں گے۔

ایلون مسک کا کہنا ہے کہ ابتدائی نتائج حوصلہ افزاء رہے ہیں۔ انہوں نے مزید لکھا کہ ابتداء میں یہ چپ ہاتھوں پیروں کو استعمال کرنے سے معذور افراد کے دماغ میں نصب کی جائے گی۔

امریکی اسٹارٹ اپ ’نیورا لنک‘ کے قیام کا مقصد ایسی کمپیوٹرائزڈ چپس کی مدد سے انسانی دماغ اور جسم  کو بیماریوں سے بچانا ہے۔