سابق امریکی صدر ٹرمپ نے ٹک ٹاک اکائونٹ بنالیا

ری پبلکن پارٹی کے صدارتی امیدوار اور سابق امریکی صدر ڈونلڈ ٹرمپ نے ٹک ٹاک اکانٹ بنالیا ہے۔

بین الاقوامی خبر رساں ادارے کی رپورٹ کے مطابق ٹک ٹاک وہ ایپ ہے جس پر ڈونلڈ ٹرمپ نے اپنے عہد صدارت کے دوران پابندی لگانے کی کوشش کی تھی۔

مگر اب امریکی صدارتی انتخابات سے چند ماہ قبل ڈونلڈ ٹرمپ نے ٹک ٹاک کا رخ کیا ہے تاکہ اسے استعمال کرنے والے صارفین کی حمایت حاصل کر سکیں۔ڈونلڈ ٹرمپ نے یکم جون کو ٹک ٹاک پر ایک ویڈیو پوسٹ کی۔

اس ویڈیو میں ڈونلڈ ٹرمپ نیو جرسی میں ہونے والی الٹی میٹ فائٹنگ چیمپئن شپ کی ایک فائٹ میں موجود ہیں۔سابق امریکی صدر کے اس اکانٹ کو لاکھوں افراد نے فالو کرنا بھی شروع کر دیا ہے۔

واضح رہے کہ ڈونلڈ ٹرمپ نے ٹک ٹاک اکانٹ اس وقت بنایا ہے جب بائیڈن کی حکومت کی جانب سے اس پر پابندی لگانی کی کوشش کی جا رہی ہے۔