سورج پر آنے والے طوفان کے اثرات زمین پر نمودار، پاکستان کو کیا نقصان ہوگا؟

سپارکو نے سورج پر آنے والے طاقت ور طوفان اور اس کے اثرات کے حوالے سے اپنا بیان جاری کر کے صورت حال واضح کردی۔

تفصیلات کے مطابق سورج پر آنے والے طوفان کے اثرات دنیا کے مختلف ممالک میں آسمانوں پر نظر آئے اور رنگ برنگی روشنی نظر  آئی۔

صارفین نے رات کے وقت آسمان پر بدلتے ہوئے رنگوں کی تصاویر بھی سماجی رابطے کی سائٹس پر شیئر کیں۔

اس حوالے سے سپارکو نے کہا ہے کہ  گزشتہ 21 برسوں میں اب تک کا سب سے طاقتور ترین شمسی طوفان زمین سے ٹکرایا تاہم پاکستان میں اس کے کسی قسم کے اثرات نمودار نہیں ہوئے۔

ڈائریکٹر سپارکو محمد ایاز امین نے زمین سے ٹکرانے والے شمسی طوفان پر میڈیا کو بریفنگ کے دوران کہا کہ 10 مئی کو امریکا اور ملحقہ علاقوں میں رنگین روشنی دیکھی گئی جو شمسی طوفان کا شاخسانہ تھی۔

اس شمسی طوفان کے اثرات کو اٹلانٹا اور جنوبی افریقا تک دیکھا گیا۔ انہوں نے کہا کہ مقناطیسی طوفان کے اثرات کی سپارکو میں نگرانی کی جا رہی ہے۔

انہوں نے بتایا کہ اس روشنی کو ارورا کہتے ہیں، جو کمیونی کیشن آلات کو متاثر کرتا ہے، سپارکو نے جب اس کو ریکارڈ کیا تو اس کی شدت بہت اوپر جاچکی تھی۔