ایلون مسک نے ٹرمپ سے متعلق کیا کہا؟

واشنگٹن: ٹیسلا اور سپیس ایکس کے سربراہ ایلون مسک نے کہا ہے کہ وہ ریپبلکن صدارتی امیدوار کے لیے "عہد کے پابند" ہیں۔ اس طرح وہ ڈونالڈ ٹرمپ کی عوامی حمایت میں اضافہ کر رہے ہیں۔

غیر ملکی ذرائع ابلاغ کے مطابق سابق صدر کے ساتھ ایک ریلی میں شریک ہونے کے بعد دنیا کے امیر ترین شخص نے دائیں بازو کے نکات کو آگے بڑھانے کے لیے کارلسن کے ساتھ دو گھنٹے تک بات چیت کی ۔

جس میں انہوں نے یہ بھی کہا تھا، نومبر کے انتخابات میں ڈیموکریٹ کملا ہیرس کی جیت کی صورت میں جمہوریت کے لیے خطرہ ہو گا۔میرا خیال یہ ہے کہ اگر ٹرمپ یہ الیکشن نہ جیتے تو یہ ہمارا آخری الیکشن ہے۔

حالیہ برسوں میں تیزی سے تنازعات کا سامنا کرنے والے مسک نے کہاکہ میرا خیال ہے "غیر قانونی افراد" یعنی تارکینِ وطن کو دانستہ مٹھی بھر اہم ریاستوں میں منتقل کیا جا رہا ہے جہاں اگر انہیں بالآخر شہریت دے دی جائے تو وہ ڈیموکریٹ ووٹر بن جائیں گے۔

انہوں نے مزید کہاکہ "اب یہ اہم ریاستوں کا فرق کبھی کبھی دس بیس ہزار ووٹ ہوتے ہیں۔ اس لیے اگر آپ سینکڑوں ہزاروں افراد کو ہر ایک سوئنگ سٹیٹ(جہاں ووٹوں کا فرق نتائج پر اثرانداز ہوتا ہے)میں بھیج دیں تو کیا ہو گا؟

 لہٰذا میری پیشین گوئی یہ ہے کہ اگر ڈیموکریٹک انتظامیہ کو حکومت کے لیے مزید چار سال مل گئے تو وہ اتنے غیر قانونی افراد کو قانونی حیثیت دے دیں گے کہ اگلے انتخابات میں کوئی سوئنگ سٹیٹس رہیں گی ہی نہیں اور یہ واحد جماعتی ملک بن جائے گا۔

"خود جنوبی افریقہ سے تعلق رکھنے والے مسک کے پرزور بیانات سیاسی حق پر ایک عمومی بیان ہیں جو ڈیموکریٹس اور تارکینِ وطن کے درمیان سازش کا الزام لگاتے ہیں۔