6 سالہ بچی کے ساتھ گلی میں نازیبا حرکات

لاہور میں گلی محلوں میں بچیوں اور خواتین کے سامنے نازیبا حرکات کرنے والے جنسی درندے کو پولیس نے گرفتار کرلیا۔

جنسی درندے کی سی سی ٹی وی فوٹیج وائرل ہوئی تھی جس میں اُس نے ماں کے ساتھ گلی میں جانے والی چھ سالہ بچی کے ساتھ پہلے نازیبا حرکت کی اور پھر واپس پلٹ کر آیا تو غیر اخلاقی حرکت کرتا دکھائی دیا۔

واقعے کے بعد ڈولفن اسکواڈ کو15 پر کال موصول ہوئی جس پر کارروائی کرتے ہوئے ملزم کو گرفتار کیا گیا۔

پولیس کے مطابق ملزم نے پیر کالونی میں ماں کے ساتھ گلی سے گزرنے والی 6 سالہ بچی سے نازیبا حرکات کیں تھیں، جس کی سی سی ٹی وی فوٹیج واضح ہے۔

ملزم کی شناخت علی رضا کے نام سے ہوئی جسے مزید قانونی کارروائی کیلیے تھانہ فیکٹری ایریا کے حوالے کردیا گیا ہے۔

ایس پی ڈولفن اسکواڈ نے کہا کہ خواتین اور بچوں کو ہراساں، زیادتی کرنے والوں کے خلاف سختی سے نمٹا جائے گا۔