بھارت نے دریائے جہلم میں بڑا ریلہ چھوڑ دیا، ایمرجنسی نافذ

بھارت نے فالس فلیگ آپریشن کے بعد اب پاکستان کے خلاف آبی جارحیت شروع کردی ہے۔

تفصیلات کے مطابق بھارت نے سندھ طاس معاہدے کو معطل کرنے کے بعد آبی جارحیت دکھاتے ہوئے دریائے جہلم میں پانی کا بڑا ریلہ چھوڑ دیا۔

پانی چھوڑنےسے دریائے جہلم میں اونچے درجے کا سیلاب آیا جبکہ سطح معمول سے 7 سے 8 فٹ بلند ہوگئی۔

انتظامیہ نے سیلاب کے پیش نظر لوگوں کو دریا کے کناروں سے دور رہنے کا الرٹ جاری کردیا گیا جبکہ مظفر آباد سمیت دیگر دریا سے ملحقہ علاقوں میں آبی ایمرجنسی نافذ کردی گئی ہے۔

آبی ماہرین کا کہنا ہے کہ پاکستان کی جانب پانی چھوڑنے سےثابت ہو گیا کہ مودی حکومت کے قول و فعل میں تضاد ہے، مودی حکومت کے پانی بند کرنے کے دعوے حقیقت سے کوسوں دور ہے۔