دل دہلا دینے والا واقعہ، کراچی میں بیوی کا شوہر کی لاش کے ساتھ افسوسناک کام

کراچی میں خاتون نے باپ کے ساتھ مل کر شوہر کو قتل کر کے لاش کچرا کنڈی میں پھینک دی۔

کراچی کے علاقے پی آئی بی تھانے کے اسٹیشن انویسٹی گیشن افسر کے مطابق مقتول فیضان کے قتل میں ملوث اس کی بیوی آرزو اور سسر نعیم کو گرفتار کر آلہ قتل (خنجر) برآمد کرلیا گیا ہے۔

مقتول گارڈن کا رہائشی تھا اور ویلڈنگ کا کام کرتا تھا۔ پولیس نے مقتول کے والد کی مدعیت میں مقدمہ درج کیا۔ ابتدائی تحقیقات میں ملزمان نے پولیس کو بتایا کہ مقتول فیضان کو اس کی بیوی نے لسی میں نیند کی گولیاں دے کر بے ہوش کیا جس کے بعد ملزمہ اور اور اس کے والد نے چھریوں کے وار کرکے فیضان کو قتل کردیا۔ 

باپ اور بیٹی نے قتل کے بعد لاش کو کمبل میں لپیٹ کر موٹر سائیکل کے ذریعے پرانی سبزی منڈی لے جا کر کچرا کنڈی میں پھینک دیا تھا۔ 

خاتون آرزو نے پولیس کو بتایا کہ فیضان سے اُس کی شادی ڈیڑھ سال قبل ہوئی، مقتول مار پیٹ کرتا تھا جس کا اُس نے والد سے تذکرہ کیا تو دونوں نے پھر مل کر قتل کرنے کا منصوبہ بنا کر اس کو عملی جامع پہنایا۔