کراچی، کارساز کے قریب زور دار دھماکے کی آواز سنی گئی ہے

شہر قائد کے علاقے کارساز کے اطراف میں زور دار دھماکے کی آواز سنی گئی ہے جس کے بعد پولیس معاملے کا تعین کررہی ہے۔

ڈسٹرکٹ ایسٹ کے پولیس ترجمان نے بتایا کہ کارساز کے اطراف میں دھماکے کی بازگشت کے خبریں چل رہی ہیں، جس کی تاحال تصدیق نہیں ہوئی تاہم واقعے سے متعلق معاملے کو چیک کیا جارہا ہے۔

ترجمان نے کہا کہ جیسے کوئی معلومات میسر ہو گی فوراً شیئر کی جائے گی۔ 

پُراسرار دھماکے کی آواز کے بعد تھانہ بہادر آباد، فیروزآباد، ٹیپو سلطان اور شاہراہ فیصل کے ایس ایچ اوز نے بتایا کہ تاحال ایسی کوئی صورتحال نہیں، مزید موبائلز کو علاقہ گشت پر بھیج دیا گیا ہے۔