کراچی، خاتون کو ہراساں کرنے والا ملزم گرفتار

گارڈن پولیس نے راہ چلتی خواتین کو ہراساں کرنے اور نازیبا حرکات کرنے والے ملزم کو گرفتار کر لیا۔

ترجمان سٹی پولیس کے مطابق، ملزم محمد علی کو علاقہ تھانہ گارڈن کی حدود سے گرفتار کیا گیا ہے۔ 

پولیس کے مطابق ملزم نشہ کی حالت میں خواتین کو ہراساں کرنے اور نازیبا حرکات کرنے کے متعدد واقعات میں ملوث پایا گیا ہے۔

پولیس کو ملزم کے خلاف کئی شکایات موصول ہوئی تھیں، جن کی بنیاد پر اس کے خلاف مقدمہ درج کر لیا گیا ہے۔  پولیس ملزم کے سابقہ کریمنل ریکارڈ کی جانچ پڑتال کرنے کے ساتھ ساتھ مزید تفتیش کر رہی ہے۔

پولیس کا کہنا ہے کہ ایسے عناصر کے خلاف سخت کارروائی جاری رہے گی تاکہ عوام بالخصوص خواتین کو تحفظ فراہم کیا جا سکے۔