کراچی، خاتون کو نشے کی حالت میں گاڑی تلے روندنے والے ڈی آئی جی کے بیٹے کو کلین چٹ مل گئی

خاتون کو سرکاری گاڑی تلے روندنے والے ڈی آئی جی کے نشئی بیٹے کیخلاف مقدمہ درج نہ ہوسکا اور پولیس نے ملزم کو کلین چٹ دے دی۔

کراچی کے علاقے گارڈن میں خاتون کو سرکاری گاڑی تلے روندنے والے ڈی آئی جی ایسٹ اظفر مہیسر کے بیٹے کیخلاف تاحال مقدمہ درج نہیں کیا گیا۔

واقعے کے بعد عوام نے بڑی تعداد میں ملزم کو گھیر لیا تھا جس کے بعد پولیس نے موقع پر پہنچ کر ملزم اور گاڑی کو تحویل میں لے کر تھانے منتقل کیا تاہم رات گئے نشے میں دھت ڈرائیور کو مداخلت پر رہا کردیا گیا۔

48 گھنٹوں کے بعد اب پولیس نے تصدیق کی ہے کہ متاثرہ فیملی نے کارروائی سے انکار کیا اور میڈیکل لیگو رپورٹ بھی نہیں کروائی۔

پولیس نے دعویٰ کیا کہ واقعے میں کوئی شخص زخمی نہیں ہوا، گاڑی ٹکرانے سے خاتون نیچے گری تھی جس کی وجہ سے وہ زخمی ہوئی۔