کراچی: محبت کی شادی کرنیوالی تیونسی لڑکی پر سسرالیوں کے سنگین الزامات، ’تشدد کرتی اور بغیر دوپٹے رہتی ہے‘

تیونس سے محبت کی تلاش میں پاکستان آنے والی 19 سالہ سندا ایاری اور کراچی کے محمد عامر کے ازدواجی تنازعے نے سماجی میڈیا پر توجہ حاصل کر لی ہے۔

شادی کے محض چند ماہ بعد طلاق اور ویزا ختم ہونے کے بعد سندا پولیس کی نگرانی میں ہے، جبکہ شوہر کے خاندان نے اپنا پہلا جامع بیان جاری کیا ہے۔  

لڑکی کے اہل خانہ نے کاہ کہ سندا ایاری نے نومبر 2024 کو پاکستانی ویزا پر کراچی کا رخ کیا، سوشل میڈیا پر دوستی کے بعد دونوں نے شادی کر لی، لیکن بعد میں تعلقات خراب ہو گئے۔  

اہل خانہ کے مطابق شوہر محمد عامر نے طلاق دے دی، جبکہ سندا کا 90 دن کا ویزا 18 فروری کو ختم ہو چکا ہے۔  جس کے بعد وزارت داخلہ نے سندا کو فوری ایگزٹ پرمٹ جاری کرنے کی پیشکش کی تاہم اپس نے انکار کردیا۔

لڑکے کے اہل خانہ نے کہا کہ "ہم نے شروع ہی سے منع کیا تھا، لیکن سندا نے ہر حال میں رہنے پر اصرار کیا۔ شادی کے بعد وہ عجیب رویے اختیار کرنے لگی، بات بات پر لڑائی اور تشدد کرتی تھی۔"  

انہوں نے کہا کہ "وہ دوپٹے اور چپل کے بغیر گھر سے نکل جاتی تھی، جس سے ہم پریشان تھے، ہم اب کسی سمجھوتے کے لیے تیار نہیں۔"  

پولیس کا کہنا ہے کہ تیونس سے آئی لڑکی سندا نے شوہر کے خلاف کوئی باقاعدہ شکایت درج نہیں کرائی، سندا کو تحویل میں لے کر خواتین کے شیلٹر ہوم منتقل کردیا گیا ہے جس کے بعد وزارت داخلہ اور تیونسی ایمبیسی سے واپسی کے انتظامات جاری ہیں۔