کراچی، ماموں کے گھر افطار پر جانے والا نوجوان ڈکیتی مزاحمت پر قتل

شہر قائد کے ضلع غربی کے علاقے سرجانی ٹاؤن میں ڈکیتوں نے مزاحمت پر ایک اور نوجوان کی زندگی چھین لی۔

سرجانی ٹاؤن بابا موڑ کے قریب لیاقت آباد عثمان گوٹھ کے رہائشی 32 سالہ ذوہیب کو ڈکیتوں نے روک کر موبائل چھیننے کی کوشش کی جس پر اُس نے مزاحمت کی تو گولی چلادی۔

ڈکیت کی گن سے نکلی ہوئی گولی سیدھی ذوہیب کے سینے میں لگی اور چیرتی ہوئی دل تک پہنچ گئی جس کے نتیجے میں وہ موقع پر ہی جاں بحق ہوگیا۔

ایس ایس پی غربی کے مطابق نوجوان زوہیب افطار کیلئے ماموں کےگھر آیا ہوا تھا، موٹرسائیکل سوار ملزمان نے زوہیب سے موبائل فون چھیننے کی کوشش کی، مزاحمت پرملزمان نے فائرنگ کردی جس سے ایک گولی زوہیب کے  سینے پر لگی۔

ذوہیب اپنے بوڑھے والدین کا سہارا اور واحد کفیل تھا، ناگہانی موت پر والدین غم سے نڈھال ہیں۔