کراچی کے گیسٹ ہاؤس سے خاتون کی برہنہ لاش ملنے کا معمہ حل

شہر قائد کے علاقے نرسری کے قریب واقع گیسٹ ہاؤس سے ایک خاتون کی لاش برآمد ہونے کا معمہ حل ہو گیا ہے۔

پولیس کے مطابق، خاتون کو اس کے شوہر نے گیسٹ ہاؤس بلا کر قتل کیا۔

مقتولہ ارم مبینہ طور پر پہلے گداگری کرتی تھیں، اور تقریباً 2 سال پہلے انہوں نے برنس روڈ کے ایک قصائی سے شادی کی تھی۔ تاہم، دونوں کے درمیان اختلافات تھے۔ گزشتہ روز ملزم نے اپنی بیوی کو بہانے بنا کر گیسٹ ہاؤس بلایا اور وہاں قتل کر دیا۔

پولیس کے مطابق، واقعے کے وقت مقتولہ کی بیٹی بھی وہاں موجود تھی، لیکن اسے کچھ نہیں کہا گیا۔

سےملزم کی گرفتاری کے لیے پولیس نے چھاپے مارنا شروع کر دیے ہیں۔ تفصیلات کے مطابق، ملزم کو جلد از جلد گرفتار کرنے کی کوششیں جاری ہیں۔