کراچی میں ٹھنڈی ہوائیں داخل، دو روز کڑاکے کی سردی ہوگی

محکمہ موسمیات نے پیش گوئی کی ہے کہ بلوچستان کی سرد ہوائیں کراچی میں اثر انداز رہیں گی جس کے باعث شہر میں درجہ حرارت سنگل ڈیجیٹ تک گرسکتا ہے۔

تفصیلات کے مطابق بلوچستان کی سرد ہوائیں شہر پر اثر انداز ہونا شروع ہوگئیں، جمعے کو پارہ گذشتہ روزکے مقابلے میں 3.6 ڈگری کم ریکارڈ ہوا جبکہ معمول سے قدرے تیزہوائیں چلنے کے سبب دن بھرسردی محسوس کی گئی۔

محکمہ موسمیات کے مطابق آج(ہفتہ)اورکل پارہ سنگل ڈیجیٹ میں ریکارڈ ہوسکتا ہے۔

 شہر کا کم سے کم پارہ گذشتہ روزکے مقابلے میں 3.6ڈگری کمی سے10.9ڈگری سینٹی گریڈ ریکارڈ ہوا،محکمہ موسمیات ارلی وارننگ سینٹر کے مطابق آج اورکل(اتوار)کوشہرکا پارہ سنگل ڈیجیٹ میں 9ڈگری تک گرسکتا ہے۔

آئندہ چند روزکے دوران شمال مشرقی سمت کی ہوائیں چلنے کے سبب موسم سرد اورخشک رہنے کا امکان ہے۔