خون سفید، کزن کو قتل کرنے کے بعد انگوٹھا کاٹ کر اکاؤنٹ سے 10 لاکھ نکال لیے

پنجاب کے علاقے شیخوپورہ میں سفاک شخص نے اپنے کزن کو قتل کرنے کے بعد اُس کا انگوٹھا کاٹا اور بائیومیٹرک کے ذریعے اے ٹی ایم سے پیسے نکال لیے۔

پولیس رپورٹس کے مطابق مقتول کی لاش ایک گاڑی کے اندر سے ملی، اور اس بات کی تصدیق ہوئی کہ وہ ملزم کی خالہ کا بیٹا تھا۔

ملزم نے پہلے اپنے رشتہ دار کو قتل کیا اور بعد ازاں لاش سے انگوٹھا کاٹ کر اے ٹی ایم لے کر گیا، اُس نے تین سے چار روز میں انگوٹھے کی مدد سے 10 لاکھ روپے اکاؤنٹ سے نکالے۔

حکام نے بتایا کہ اسے اور ایک ساتھی کو ایک نہر میں لاش کو ٹھکانے لگانے کی کوشش کرتے ہوئے پکڑا گیا۔