خیبرپختونخوا میں بارشیں اور سیلاب، 24 گھنٹوں میں 13 افراد جاں ںحق

پشاور: ُپی ڈی ایم اے کی جانب سے دو روز کے دوران ہونے والی بارشوں اور فلش فلڈ کے باعث صوبہ کے مختلف اضلاع میں جانی و مالی نقصانات کی ابتدائی رپورٹ جاری کردی گئی۔

رپورٹ کے مطابق پچھلے دو روز کے دوران ہونے والی بارشوں اور فلش فلڈ کے باعث مختلف حادثات میں اب تک 13 افراد جاں بحق اور 3 زخمی ہوئے۔

جاں بحق افراد میں 9 بچے، 3 خواتین اور 1 مرد شامل جبکہ زخمیوں میں 2 بچے اور 1 خاتون شامل ہے، بارشوں اور فلش فلڈ کے باعث اب تک کی رپورٹ کے مطابق مجموعی طور پر 19 گھر وں کو نقصان پہنچا،جس میں 17 گھروں کو جزوی اور 2 گھر مکمل منہدم ہوئے۔

یہ حادثات صوبہ کے مختلف اضلاع سوات، بونیر ، باجوڑ، تورغر، کوہستان اپر، مردان، کرم، ہری پور،مانسہرہ، چترال اپر، ملاکنڈ اور شانگلہ میں پیش آئے۔

شدید بارشوں کا موجودہ سلسلہ 25 جولائی تک وقفے وقفے سے جاری رہنے کا امکان ہے،ںپی ڈی ایم اے نے پہلے ہی سے موسمی صورتحال کے پیش نظر تمام ضلعی انتظامیہ کو پیشگی اقدامات اٹھانے کے لئے مراسلہ ارسال کر دیا تھا۔

پی ڈی ایم اے کی جانب سے تمام متاثر اضلاع میں امدادی سرگرمیاں تیز کرنے اور متاثرین کو فوری ریلیف فراہم کرنے کی ہدایت کی گئی ہے۔ 

پی ڈی ایم اے نے ہدایت کی کہ تما م متعلقہ اداروں کو سیاحتی مقامات پر بند شاہراؤں اور رابطہ سٹرکوں کی بحالی کے لیے تمام وسائل بروئے کار لائیں۔

تمام سیاحوں کو موسمی صورتحال سے آگاہ کرنے اور احتیاطی تدابیر اختیار کرنے کی ہدایت کی گئی ہے جبکہ پی ڈی ایم اے ، تمام متعلقہ ادارے ، امدادی ٹیمیں، ضلعی انتظامیہ اور ریسکیو 1122 رابطے میں ہے اور صورتحال پر نظر رکھی ہوئی ہے۔

پی ڈی ایم اے کا ایمرجنسی آپریشن سنٹر مکمل طور پر فعال ہے۔ عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔کے