مدرسے پر دستی بم حملہ، چار طالب علم زخمی

بلوچستان کے علاقے تربت میں نامعلوم افراد نے مدرسے پر دستی بم سے حملہ کیا ہے۔

تفصیلات کے مطابق نامعلوم افراد نے تربت کے علاقے ملک آباد میں مدرسے پر دستی بم پھینکا جو وضو خانے کے قریب زور دار دھماکے سے پھٹ گیا۔

دھماکے کے وقت مدرسے کے چار بچے وضو خانے کے قریب تھے جو بال بیرنگ اور چھرے لگنے سے زخمی ہوئے۔

دھماکے کے بعد پولیس اور سیکیورٹی فورسز کی بھاری نفری موقع پر پہنچی جبکہ زخمی بچوں کو طبی امداد کے لیے اسپتال منتقل کردیا۔ ڈاکٹرز کے مطابق بچوں کی حالت خطرے سے باہر ہے۔