نشے کا عادی شخض 6 ماہ کی حاملہ بیوی کو قتل کرکے فرار ہوگیا

 کراچی: شہرقائد کے علاقے شاہ فیصل کالونی میں نشے کے عادی شوہر نے 6 ماہ کی حاملہ بیوی کو بہیمانہ تشدد کے بعد جان سے مار دیا۔رپورٹ کے مطابق کراچی میں نشے کا عادی شوہر 6 ماہ کی حاملہ بیوی کو قتل کرکے فرار ہوگیا۔

مقتولہ کے والدین نے بتایاکہ بیٹی پر اس کے ظالم شوہر نے تشدد کیا اور گلا دبا کر مار ڈالا، پولیس نے مقدمہ درج کرکے ملزم کی تلاش شروع کردی ہے۔

شاہ فیصل کالونی کے رہائشی کاشف حسین کی 20 سالہ بیٹی انوشہ شوہر کے ظلم کا شکار ہوکر اپنے میکے کے بعد اس دنیا سے بھی رخصت ہوگئی۔

انوشہ کے غمزدہ والد نے میڈیا کو بتایا کہ ڈھائی سال قبل بیٹی کی شادی ارزم ہوئی تھی۔ داماد نشے کا عادی تھا، 24 نومبر کو جب وہ بیٹی کے گھر پہنچے تو اس کی حالت غیر تھی، انتہائی تشویشناک حالت میں اسپتال منتقل کیا جہاں وہ دوران علاج دم توڑگئی۔

مقتولہ کے والد نے کہا کہ ان کی بیٹی کے جسم پر تشدد کے واضح نشانات موجود تھے اسے گلا دبا کر قتل کرنے سے قبل تشدد بھی کیا گیا تھا۔بیٹی کی جدائی کے غم سے نڈھال والدہ نے مطالبہ کیا کہ انہیں انصاف فراہم کیا جائے، معصوم بیٹی کو ناحق قتل کیا گیا ہے۔

پولیس نے واقعے کا مقدمہ درج کرلیا مقتولہ انوشہ کا شوہر ارزم مفرور ہے جس کی گرفتاری کے لیے چھاپے مارے جارہے ہیں۔