نئی نویلی دلہن کو دلہا کے دوستوں نے اجتماعی زیادتی کا نشانہ بنا ڈالا

ایک پریشان کن واقعہ ساہیوال کے نواح میں پیش آیا ہے جہاں لڑکے کے تین دوستوں نے نوبیاہتا دلہن کو اجتماعی جنسی زیادتی کا نشانہ بنا ڈالا۔

 اطلاعات کے مطابق افسوسناک واقعہ ساہیوال کے نواحی چک نمبر 6 میں پیش آیا۔ دلہن جس کی صرف تین روز قبل 7 دسمبر کو شادی ہوئی تھی، کو اس کے شوہر محمد اقبال کے تین دوستوں نے اجتماعی زیادتی کا نشانہ بنایا۔

 محمد اقبال نے فرسٹ انفارمیشن رپورٹ (ایف آئی آر) درج کروائی، جس میں اس نے بتایا کہ شادی کے بعد وہ اور اس کی بیوی اپنے دوست ندیم کے گھر گئے۔

 ایف آئی آر کے مطابق اگلے دن جب اقبال کو اپنی بیوی کو کہیں اور لے جانے کی ضرورت پڑی تو ان کے دوستوں شفیق، منظور اور ندیم نے انہیں ان کے ساتھ ایک ڈیرہ جانے کا مشورہ دیا۔

 ڈیرہ پر پہنچنے کے بعد تینوں افراد نے اقبال کو ایک کمرے میں بند کر دیا اور گھر واپس آ گئے جہاں انہوں نے باری باری دلہن کے ساتھ زیادتی کی۔

 متاثرہ کی طبیعت بگڑنے پر ملزمان کمرے کا دروازہ کھلا چھوڑ کر موقع سے فرار ہوگئے۔

 متاثرہ خاتون کے شوہر کی شکایت پر کسووال پولیس اسٹیشن میں تعزیرات پاکستان کی دفعہ 375 کے تحت مقدمہ درج کیا گیا۔

 پولیس نے تفتیش شروع کر دی اور دو ملزمان کو گرفتار کر لیا۔