پڑھائی کیوجہ سے شادی سے انکار پر نوجوان نے کزن کو قتل کر کے خودکشی کرلی

وفاقی دارالحکومت تھانہ کھنہ کی حدود سوہان میں شادی سےانکار پرنوجوان نے فرسٹ ائیر کی طالبہ اپنی سگی کزن کوفائرنگ کرکے قتل کرنے کے بعد خودکشی کرلی ہے۔

پولیس ذرائع کے مطابق نوجوان آکاش اپنی کزن فرسٹ ائیر کی طالبہ کو پسند کرتاتھااوراسے مسلسل مجبور کررہا تھاکہ وہ اس سے شادی کرلے جس پر طالبہ نے ہر مرتبہ انکار کیااور اپنے کزن کوبتایاکہ اسکی تمام تر توجہ اپنی تعلیم پر ہے اوروہ شادی نہیں کرنا چاہتی ۔

یہی بات طالبہ نے اپنے گھر والوں کوبھی بتائی جس پر نوجوان آکاش کو طالبہ کی جانب سے اور اسکے گھر والوں کی جانب سے شادی سے صاف انکار کردیا گیا تو وہ اپنی کزن کے سوہان میں واقع گھر میں مسلح ہوکر گھس آیا جبکہ اس وقت اسکی  کزن جس سے وہ شادی کرنا چاہتا تھا گھرمیں اپنے کمرے میں پڑھ رہی تھی کہ اچانک آکاش نے اسے فائرنگ کرکے موت کے گھاٹ اتاردیا جس کے بعد اپنے سر پر گولی مار کر نوجوان نے اپنی زندگی کا بھی خاتمہ کرلیا۔

پولیس کے مطابق دونوں نعشیں قبضہ میں لیکر معائنہ کے بعد ورثاء کے حوالے کردی گئی ہیں اور واقعہ کی رپٹ درج کرلی گئی ہے۔