پشاور میں امیر زادے نے فوڈ ڈلیوری رائیڈر کی جان لے لی

خیبرپختونخوا کے دارالحکومت پشاور میں قائم ایک نجی ریسٹورنٹ میں 20 روز قبل ڈیلیوری پر لگنے والے تعلیم یافتہ نوجوان ہو امیر زادے نے کچل دیا۔

تفصیلات کے مطابق 20 دن پہلے پیزا ڈیلیوری ریسٹورنٹ میں بھرتی ہونیوالا پیزا بوائے عامر سہیل موٹر سائیکل پر پیزا ڈیفنس لیکر جا رہا تھا امیر زادے کی گاڑی نے کچل دیا۔

چند پیسے لیکر گھر گھر پیزا پہنچانے والے نوجوان کو امیر زادہ کچلنے کے بعد فرار ہوگیا ۔ تھانہ شرقی میں درج رپورٹ کے مطابق تیس سالہ عامر سہیل ولد نور اکبر سکنہ دیہہ بالا جو کہ حسب معمول پیزا ڈیلیوری کرنے کے لئے ریسٹورنٹ سے نکلا جیسے ہی ڈیفینس کے قریب پہنچا تو اس دوران ہنڈا گاڑی میں ڈرائیور کی غفلت سے موٹر سائیکل کو ٹکر مار دی جس سے عامر شدید زخمی ہوگیا۔

نوجوان کو طبی امداد دینے کے لئے لیڈی ریڈنگ ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔

عامر سہیل کے دوستوں کے مطابق وہ تعلیم یافتہ نوجوان تھا محنت و لگن سے کام کرتاتھا اچانک اس کی موت پر اہل خانہ شدید صدمے میں ہیں ، پولیس حکام کے مطابق گاڑی کی تلاش جاری ہے جلد غلفت برتنے والے ڈرائیور کو گرفتار کر لیا جائیگا۔

واقعے کا مقدمہ والد کی مدعیت میں درج کرلیا گیا ہے۔