پیٹرول اور ڈیزل کی قیمت میں بڑا اضافہ

حکومت نے آئندہ پندرہ روز کیلیے پیٹرول اور ڈیزل کی قیمت میں بڑا اضافہ کردیا ہے۔

وزارت خزانہ کی جانب سے جاری نوٹی فکیشن کے مطابق حکومت نے آئندہ 15 روز کیلیے پیٹرول کی قیمت میں 4 روپے 80 پیسے جبکہ ڈیزل کی قیمت میں 7 روپے 95 پیسے اضافہ کیا ہے۔

حالیہ اضافے کے بعد پیٹرول کی فی لیٹر قیمت 253 روپے اور 63 پیسے سے بڑھ کر 254 روپے 43 پیسے ہوگئی۔

اسی طرح ہائی اسپیڈ ڈیزل کی قیمت 254 روپے 64 پیسے سے بڑھ کر 262 روپے 59 پیسے پر پہنچ گئی ہے۔

اسرائیل ایران جنگ کے باعث عالمی مارکیٹ میں تیل کی قیمتوں میں اضافے کے باعث حکومت نے قیمت بڑھانے کا فیصلہ کیا جس کا اطلاق رات بارہ بجے سے یکم جولائی 2025 کی رات 12  بجے تک ہوگاْ