اسلام آباد میں بوڑھی خاتون کی درخت سے لٹکتی لاش برآمد

 وفاقی دارالحکومت کے علاقے تھانہ سبزی منڈی کی حدود میں سڑک پر خاتون کی درخت سے لٹکی لاش برآمد ہوئی۔

تفصیلات کے مطابق اسلام آباد کے تھانہ سبزی منڈی کے علاقے مائی جے پی سروس روڈ کے پاس موجود درخت سے خاتون کی لٹکی لاش برآمد ہوئی۔

پولیس اور ریسکیو کی ٹیمیں اطلاع ملنے پر جائے وقوعہ پہنچیں اور لاش کو ضابطے کی کارروائی کیلیے اسپتال منتقل کیا جبکہ تفتیشی افسران نے موقع سے شواہد اکھٹے کیے۔

پولیس کے مطابق لاش کی شناخت نہیں ہوسکی ہے جس کیلیے فنگر پرنٹس لیے گئے ہیں۔

پولیس نے یہ بتایا کہ ابتدائی تفتیش میں واقعہ بظاہر خودکشی کا معلوم ہوتا ہے تاہم مزید کارروائی آگے بڑھنے کے بعد حتمی بات کی جاسکتی ہے۔