سرکاری گاڑیوں کے ای چالان سے متعلق سندھ حکومت کا نیا حکم نامہ

سندھ حکومت نے سرکاری گاڑیوں کے ای چالان سے متعلق نیا حکم نامہ جاری کردیا ہے۔

صوبائی حکومت کی جانب سے جاری کردہ ای چالان کے تحت اب سرکاری افسران کو ٹریفک خلاف ورزیوں کے جرمانے اپنی جیب سے ادا کرنا ہوں گے۔

محکمہ سروسز اینڈ جنرل ایڈمنسٹریشن نے چیف سیکریٹری کی ہدایت پر باقاعدہ نوٹیفکیشن جاری کیا ہے۔

مراسلے میں تمام محکموں کو آگاہ کیا گیا ہے کہ سرکاری گاڑی پر کیے گئے ای چالان کی ادائیگی کے ذمہ دار متعلقہ افسر خود ہوں گے۔

حکم نامے میں واضح کیا گیا ہے کہ سیٹ بیلٹ نہ باندھنے، کالے شیشے استعمال کرنے، سگنل توڑنے اور گاڑی چلاتے ہوئے موبائل فون استعمال کرنے پر ای چالان جاری ہوگا۔