سیکیورٹی وجوہات، شاہراہ فیصل کو بند کرنے کا اعلان

کراچی کی مصروف ترین شاہراہ کو سیکیورٹی وجوہات کی بنا پر آج رات کو بند کیا جائے گا۔

ذرائع کے مطابق دفاعی نمائش آئیڈیاز کے اختتام کے بعد اسلحے اور دیگر سامان کی منتقلی کے پیش نظر شاہراہ فیصل سمیت دیگر شاہراہوں کو آج رات 2 بجے سے صبح 5 بجے تک بند کیا جائے گا۔

اعلامیے کے مطابق لیاقت آباد 10 نمبر سے ایکسپو سینٹر آنے اور جانے والے روڈ کے علاوہ کارساز سے ڈرگ روڈ تک شاہراہ فیصل کو بند کیا جائے گا۔

سڑک بند کرنے کا آغاز رات ڈیڑھ بجے سے ہوگا لہذا شہری مذکورہ روٹ استعمال کرتے ہوئے احتیاط سے کام لیں۔