طالبہ سے زیادتی، پنجاب حکومت نے کالج کی رجسٹریشن منسوخ کر دی

محکمہ تعلیم پنجاب نے طالبہ کے ساتھ زیادتی کے واقعے کے بعد نجی کالج گلبرگ کیمپس کی رجسٹریشن معطل کر دی ہے۔

ذرائع کے مطابق مظاہرے کالج کے دیگر کیمپس میں بھی پھیل گئے، جہاں طلبا نے مبینہ واقعے کے خلاف احتجاجی مظاہرے کئے۔

مظاہرین نے کینال روڈ بلاک کر دی اور مسلم ٹائون موڑ کے قریب مظاہرہ کیا، ہجوم کو منتشر کرنے کے لیے پنجاب پولیس کی بھاری نفری تعینات کر دی گئی۔

احتجاج کے دوران، کالج کے گارڈ کے ہاتھوں ایک طالب علم زخمی ہوا، اور ایک طالبہ کی حالت بگڑ گئی، دونوں کو ہسپتال میں منتقل کرنا پڑا۔

کالج انتظامیہ کی جانب سے حالیہ واقعے سے انکار کا جواب سامنے آنے پر مشتعل مظاہرین نے کیمپس میں دھاوا بول دیا، فرنیچر کو آگ لگا دی اور نعرے لگائے۔

مبینہ حملے کی رپورٹس سوشل میڈیا پر بڑے پیمانے پر گردش کر رہی ہیں، مختلف اکائونٹس پر یہ دعوی کیا گیا ہے کہ یہ واقعہ لاہور کے علاقے گلبرگ میں واقع پنجاب کالج کیمپس 10 کے تہہ خانے میں ایک ہفتہ قبل پیش آیا تھا۔