اعصام الحق صدر منتخب

 پاکستان کے عالمی شہرت یافتہ ٹینس سٹار اعصام الحق قریشی پاکستان ٹینس فیڈریشن کے صدرمنتخب ہوگئے۔

پاکستان ٹینس فیڈریشن کے انتخابات کا انعقاد پاکستان ٹینس کمپلیکس اسلام آباد میں ہوا، الیکشن کمیشن کی طرف سے جاری نتائج کے مطابق الیکشن میں پاکستان آرمی، ایئرفورس، نیوی،پنجاب، اسلام آباد، بلوچستان، کے پی کے،سندھ، ایچ ای سی اور دیگر ممبران نے ووٹ کاسٹ کیے۔                                                                                                                       

اعصام الحق قریشی نے آٹھ ووٹ جبکہ ان کے مد مقابل میجر جنرل(ر)اضغرنواز نے سات، جنرل سیکرٹری کے عہدے پرلفٹینٹ کرنل (ر)ضیاء الدین طفیل نے آٹھ اور ان کے مد مقابل میجر سلیم جنید نے سات جبکہ خازن محمد عارف قریشی نے نو ووٹ حاصل کرکے کامیابی اپنے نام کی۔

پاکستان کے عالمی شہرت یافتہ ٹینس سٹار و پاکستان ٹینس فیڈریشن کے صدر اعصام الحق قریشی کا کہنا ہے فیڈریشن میں کامیابی ٹینس کے کھیل اور کھلاڑیوں کی کامیابی ہے ملک میں نئے دور کا آغاز ہوگا۔