چیمپئنز ٹرافی، پاک بھارت میچ کے 3 ارب 40 کروڑ کے ٹکٹس چند منٹوں میں فروخت

آئی سی سی چیمپئنز ٹرافی کے دبئی میں ہونے والے پاک بھارت میچ کے ٹکٹ چند منٹوں میں فروخت ہوگئے۔

دبئی میں ہونے والے میچ کے ٹکٹ مختلف کیٹگریز کے تھے جن میں سے سب سے سستا 500 درہم اور سب سے مہنگا 9 لاکھ 49 ہزار روپے قیمت والا تھا۔

ٹکٹ کاؤنٹ پر آتے ہی شائقین کرکٹ ٹوٹ پڑے اور انہوں نے اپنی اپنی استطاعت کے مطابق مختلف پویلینز کے ٹکٹ خریدے۔

مجموعی طور پر  23 فروری کو دبئی میں شیڈول پاک بھارت ٹاکرے کے فروخت ہونے والے ٹکٹس کی کُل قیمت 3 ارب 40 کروڑ روپے کے قریب بنتی ہے۔

صرف یہی نہیں دبئی میں ہونے والے بھارت کے چیمپئنز ٹرافی کے دیگر میچز کے ٹکٹس کی بھی حیران کُن فروخت ہوئی ہے۔ چیمپئنز ٹرافی کے دبئی میں تمام میچز کے ٹکٹس 88.55 ملین درہم میں فروخت ہو چکے ہیں۔