چیمپئنز ٹرافی کا شیڈول سامنے آگیا، پاک بھارت ٹاکرا یکم مارچ کو لاہور میں ہوگا

آئی سی سی چیمپئنز ٹرافی کا مجوزہ شیڈول سامنے آگیا ہے جس کے مطابق پاکستان اور بھارت کے درمیان یکم مارچ 2025 کو لاہور میں گھمسان کا رن پڑے گا۔

آئی سی سی چیمپئنز ٹرافی 2025 کا مجوزہ شیڈول سامنے آگیا ہے جس کے مطابق پاکستان کا افتتاحی میچ نیوزی لینڈ سے کراچی کے نیشنل بینک اسٹیڈیم میں ہوگا جبکہ 24 کو پاکستان اور بنگلادیش کی ٹیمیں راولپنڈی میں مد مقابل ہوں گی۔

ایونٹ کے سیمی فائنلز بالترتیب کراچی اور راولپنڈی میں 5اور 6مارچ کو کھیلے جائیں گے جبکہ 9مارچ کو فیصلہ کن معرکے کی میزبانی لاہور کرے گا۔ یاد رہے کہ بھارت نے ایونٹ میں شرکت کو اپنی حکومت کی اجازت سے مشروط قرار دیا ہے۔