ہار سے مایوس انگلش کپتان جوز بٹلر کا کپتانی سے مستعفی ہونے کا اعلان

انگلینڈ کرکٹ ٹیم کے کپتان جوز بٹلر نے افغانستان سے ہار نے کے بعد مایوسی کا شکار ہوکر کپتانی سے مستعفی ہونے کا اعلان کردیا۔

انگلش کپتان کا کہنا تھا کہ چیمپیئنز ٹرافی میں ٹیم ان کی قیادت میں اچھا کھیل پیش نہیں کرسکی اور ان کی کپتانی میں انگلینڈ کرکٹ ٹیم کے نتایج مایوس کن رہے۔اُنہوں نے کہا کہ  وہ اپنی کرکٹ پر فوکس کرنا چاہتے ہیں۔

جنوبی افریقا کے خلاف میچ جوز بٹلر کا بطور کپتان آخری میچ ہوگا۔ واضح رہے کہ آئی سی سی  چیمپئنز ٹرافی 2025 میں انگلینڈ کو اب تک اپنے دونوں میچوں شکست کا سامنا کرنا پڑا ہے۔

انگلینڈ کو ٹورنامنٹ میں اپنے پہلے میچ میں آسٹریلیا اور دوسرے میچ میں افغانستان کے ہاتھوں شکست ہوئی۔