ہوم اینڈ اوے سیریز میں عامر جمال پر لاکھوں روپے کا جرمانہ

قومی کرکٹ ٹیم کے کھلاڑیوں کو ہوم اینڈ اوے سیریز میں جرمانوں کا سامنا کرنا پڑا اور سب سے زیادہ جرمانہ عامر جمال کو کرنا پڑا۔

ذرائع کے مطابق پاکستانی کرکٹرزکو کوڈ آف کنڈکٹ کی خلاف ورزی پر جرمانے کیے گئے ہیں۔ انگلینڈ کے خلاف ہوم سیریز سے جنوبی افریقا کے خلاف سیریز تک 30 لاکھ روپے سے زیادہ جرمانے کیے گئے ہیں۔

قومی کرکٹ عامر جمال کو سب سے زیادہ جرمانہ ہوا، اُنہوں نے انگلینڈ کے خلاف سیریز میں انٹرویو کے دوران ایسا ہیٹ پہنا جس پر سیاسی نعرہ درج تھا اور عامر جمال کو تقریبا 13 لاکھ روپے جرمانے کا سامنا کرنا پڑا۔

آسٹریلیا میں سیریز کے دوران تین کرکٹرز کو ہوٹل تاخیر سے واپسی پر پانچ پانچ لاکھ روپے جرمانہ ہوا جبکہ جنوبی افریقا میں بھی چار کرکٹرز کو کرفیو کی خلاف ورزی پر جرمانہ ہوا تھا، سلمان علی آغا، عبداللہ شفیق، صائم ایوب اور عباس آفریدی سمیت کرکٹرز کو جرمانہ ہوئے۔

پاکستان کرکٹ بورڈ کے مطابق ڈسلپنری معاملات کرکٹ بورڈ کا اندرونی معاملہ ہے، دنیا بھر کی طرح پی سی بی بھی ایسے معاملات پبلک نہیں کرتا کیونکہ ایسا کرنے سے کھلاڑیوں کی ساکھ متاثر ہوتی ہے اس لیے کرکٹ بورڈ اس حوالے سے کوئی رائے نہیں دیتا۔