خاتون سے بدسلوکی پر کرکٹر کو 3 سال قید

وکٹ کیپر بیٹسمین کپلن ڈوریگا کو ایک خاتون کو ہراساں کرنے اور اس کا موبائل فون چھیننے کے جرم میں رائل کورٹ نے تین سال قید کی سزا سنادی۔

30 سالہ کھلاڑی امریکی ریاست جرسی میں جاری آئی سی سی کرکٹ ورلڈ کپ چیلنج لیگ میں اپنے ملک کی جانب سے شریک تھے اور ایونٹ میں ڈنمارک اور کویت کے خلاف میچز بھی کھیل چکے تھے۔

واقعہ 25 اگست کی رات اس وقت پیش آیا جب ڈوریگا میچ کے بعد ہوٹل واپس جا رہے تھے۔ سینٹ ہیلیئر کے ہلیری اسٹریٹ میں انہوں نے ایک خاتون پر اچانک حملہ کرکے اس کا موبائل فون چھین لیا۔

پولیس نے بروقت کارروائی کرتے ہوئے انہیں مختصر وقت میں گرفتار کر لیا اور اگلے روز ڈکیتی کا مقدمہ قائم کردیا۔ 27 اگست کو ڈوریگا نے مجسٹریٹ کورٹ میں جرم قبول کر لیا تھا۔

بعدازاں 28 نومبر کو رائل کورٹ نے کیس کا فیصلہ سناتے ہوئے انہیں تین سال قید کی سزا دے دی۔