خوشدل شاہ پرچی کے نعروں پر کراچی والوں سے ناراض

نیوزی لینڈ کے خلاف پاکستان کی طرف سے نمایاں اسکور 69 رنز بنانے والے بلے باز خوش دل شاہ کراچی کے تماشائیوں سے پرچی کہنے پر ناراض ہوگئے۔

پاکستان کرکٹ ٹیم کے بلے باز خوشدل شاہ نے آئی سی سی چیمپئنز ٹرافی 2025 کے افتتاحی میچ میں نیوزی لینڈ کے ہاتھوں 60 رنز سے شکست کے بعد میڈیا سے بات کرتے ہوئے اپنے دل کی بات کہی اور کہا کہ "میں نے کبھی بھی اپنے لیے کرکٹ نہیں کھیلی۔ اگر میں اپنے اسکور کے لیے کھیل رہا ہوتا تو آج میرے خلاف 'پرچی پرچی' کی آوازیں نہ لگتیں۔"  

خوشدل شاہ نے میچ کے بعد مکسڈ زون میں میڈیا سے گفتگو کرتے ہوئے کہا کہ انہوں نے کہا کہ "شروع میں فخر کے نہ ہونے کی وجہ سے ہمارا آغاز اچھا نہیں ہو سکا۔ چاہے جو بھی درکار رن ریٹ ہو، میں وکٹ کی پروا کیے بغیر کوشش کرتا ہوں۔ آج بھی میری یہی کوشش تھی کہ ٹیم کے لیے بہتر سے بہتر کروں۔"  

انہوں نے مزید کہا کہ "نسیم شاہ سے یہی بات ہو رہی تھی کہ اگر آخری اوور تک گئے تو میچ ہاتھ میں ہوگا‘‘۔

خوشدل شاہ نے پرچی کے نعروں پر ناراضی کا اظہار کرتے ہوئے کہا کہ ’میں نے کبھی بھی اپنے لیے کرکٹ نہیں کھیلی۔ اگر میں اپنے اسکور کے لیے کھیل رہا ہوتا تو آج پرچی پرچی کی آواز نہ لگتی‘۔

انہوں نے شکوہ کیا کہ ’لوگ تو مجھ پر دو سال سے آوازیں کس رہے ہیں، اب تو عادت ہو گئی ہے مگر اس وجہ سے گراؤنڈ میں پریشر آتا ہے اسلیے خواہش ہے کہ ایسا نہ ہو‘۔

خوشدل شاہ نے کھلاڑیوں کے خلاف غلط نعروں پر بھی افسوس کا اظہار کیا۔ ان کا کہنا تھا کہ "کھلاڑی کے لیے غلط نعرے لگنا برا لگتا ہے، لیکن میں اسے ہینڈل کر رہا ہوں۔ مجھے خود بھی پتہ نہیں تھا کہ میں ٹیم میں کیسے سلیکٹ ہوا ہوں‘۔

انہوں نے کہا کہ ہمارے ملک میں چیمپئنز ٹرافی ہو رہی ہے، تو لوگوں کو چاہیے کہ ٹیم اور پلیئرز کو سپورٹ کریں۔ ڈومیسٹک کرکٹ میں میری چھٹے یا ساتویں نمبر پر پرفارمنس سب کے سامنے ہے۔"  

خوشدل شاہ نے کہا کہ "جب میں ٹیم سے ڈراپ ہوا تھا تو یہی سوچا تھا کہ ایسا کم بیک کروں کہ کسی کو شک نہ ہو۔ لوگوں کو یہ نہیں پتہ ہوتا کہ ایک پلیئر کتنی محنت کرتا ہے‘۔

انہوں نے کہا کہ چار پانچ پلیئر ہیں جو اس بیٹنگ پوزیشن پر آتے جاتے رہتے ہیں۔ چھٹے یا ساتویں نمبر پر کھیلنے کے لیے کھلاڑی کو کافی سخت چیلنج کا سامنا کرنا پڑتا ہے۔ میں کبھی ایسی صورتحال میں نہیں آیا جب ٹیم مشکل میں نہ ہو۔"  

خوشدل شاہ نے میچ کے دوران ہونے والی کوششوں پر بھی بات کی۔ ان کا کہنا تھا کہ "آج ہم چالیس فیصد گیم میں واپس آگئے تھے، مگر بعد میں وکٹ نہیں تھی تو مشکل ہوئی۔ ہمارا فوکس ہوتا ہے کہ ہم میچ کیسے جیتیں۔ آج میچ ہمارے ہاتھ سے نکل گیا، لیکن آگے کوشش ہوگی کہ میچ اچھے انداز میں فنش کریں۔"