میدان میں جگہ بنانے کیلیے سفارش نہیں ٹیلنٹ کی ضرورت ہوتی ہے، محمد حفیظ

سابق ٹیسٹ کپتان اور کراچی یونیورسٹی کے طالب علم محمد حفیظ نے کہا ہے کہ کھیل کے میدان میں جگہ بنانے کیلیے سفارش کی نہیں بلکہ صلاحیتیں دکھانی پڑتی ہیں۔

کراچی یونیورسٹی میں ڈائریکٹوریٹ آف فزیکل ایجوکیشن کے زہر اہتمام انٹر ڈیپارٹمنٹل اسپورٹس گالا کی اختتامی تقریب میں قومی کرکٹر محمد حفٰظ بھی شریک ہوئے۔

انہوں نے کہا کہ جامعہ کراچی میں اتنے بڑے اسپورٹس ایونٹ کا انعقاد لائق تحسین ہے،ایک اور سابق ٹیسٹ کپتان اظہر علی نے کہا کہ کھیل  قوموں کی ترقی میں کلیدی کردار اداکرتے ہیں، من حیث القوم ہمیں کھیلوں میں سرمایہ کاری کرنے کی ضرورت ہے،تعلیمی ادارے اس کو پروان چڑھانے میں کلیدی کردار اداکرسکتے ہیں۔

اولمپئین قمرابراہیم  کہا کہ کھیل ہمیں اپنی خامیوں اور غلطیوں کا احساس دلاتے اور زندگی کی تعمیرمیں اہم کردار ادا کرتے ہیں جبکہ جامعہ کراچی کے وائس چانسلر پروفیسرڈاکٹر خالد محمودعراقی نے کہا کہ اسپورٹس کو فروغ  کے لیے مسلسل کوشاں ہیں۔ اسپورٹس سے وابستہ طلباوطالبات کی حوصلہ افزائی کے لیے انہیں اسکالرشپ بھی فراہم کی جارہی ہیں۔

انہوں نے جامعہ کراچی میں ہاکی گراؤنڈ کوفعال اور جامعہ کراچی ہمیں اسپورٹس مقابلے سال میں دومرتبہ کرانے کا بھی اعلان کیا۔ آخرمیں انعامات تقسیم کیے گئے۔ اسپورٹس گالا میں مختلف شعبہ جات کی 156 ٹیموں کےساڑھے 4 ہزار طلباوطالبات نے حصہ لیا۔

محمد حفیظ نے کہا کہ کسی بھی کھیل میں نام اور جگہ بنانے کے لیے میدان میں صلاحیتوں کا اظہارناگزیر ہے کیونکہ کھیل کے میدان میں سفارش سے نہیں صلاحیتوں کے جوہر دکھانے سے نام اور جگہ بنتی ہے۔