ناکامی کا ذمہ دار کسی ایک کو نہیں قرار دیا جا سکتا، فہیم اشرف

 فیصل آباد : قومی کرکٹ ٹیم کے آل راونڈر فہیم اشرف نے جنوبی افریقہ کے خلاف دوسرے ون ڈے میچ میں شکست پر مایوسی کااظہار کرتے ہوئے کہاہے کہ ناکامی کا ذمہ دار کسی ایک کو نہیں قرار دیا جا سکتا۔

 میڈیا سے بات چیت کرتے ہوئے فہیم اشرف نے کہا کہ پہلے بیٹنگ کرنے کا فیصلہ کپتان کا تھا۔ فہیم اشرف نے کہا کہ دوسری اننگز میں نمی کی وجہ سے بولنگ مشکل ہوگئی، تاہم اچھی فیلڈنگ کرنا آپ کے اپنے ہاتھ میں ہے۔

انہوںنے کہاکہ خامیوں کے حوالے سے ٹیم مل بیٹھ کر بات کرے گی، ٹیم ہوم گرانڈ پر جیتتے تو زیادہ خوشی ہوتی۔

واضح رہے کہ جنوبی افریقا نے دوسرے ایک روزہ میچ میں کوئنٹن ڈی کوک کی سنچری کی بدولت پاکستان کو یک طرفہ مقابلے کے بعد 8 وکٹوں سے شکست دے کر سیریز ایک، ایک سے برابر کردی۔