نیشنل گیمز کا پہلا گولڈ میڈل آرمی کی لیفٹیننٹ مصباح نے جیت لیا

کراچی: نیشنل گیمز کا پہلا گولڈ میڈل آرمی کی لیفٹیننٹ مصباح نے جیت لیا، اْنہوں نے شوٹنگ میں خواتین ایونٹ کے 50 میٹر رائفل میں سونے کا تمغہ اپنے نام کیا۔

مینز میں 10 میٹر ایئر پسٹل ٹیم ایونٹ میں نیوی کے شوٹرز نے نیا قومی ریکارڈ قائم کردیا۔35ویں نیشنل گیمز میں کھلاڑیوں کے درمیان میڈلز کے حصول کی جنگ شروع ہوگئی ہے۔

باقاعدہ مقابلوں کے پہلے روز شوٹنگ ایونٹ میں 6 گولڈ میڈلز کے فیصلے ہوگئے جس میں آرمی نے 4 اور نیوی نے 2 گولڈ میڈل جیتے۔

خواتین ایونٹ میں آرمی کی لیفٹیننٹ مصباح نے گیمز کا پہلا سونے کا تمغہ جیتنے کا اعزاز حاصل کیا، اْنہوں نے خواتین کی 50 میٹر رائفل میں گولڈ میڈل جیتا۔

نیشنل گیمز میں مینز اور ویمن فٹ بال کے مقابلوں کا بھی آغاز ہوگیا، ویمن فٹبال میں آرمی نے کے پی کو 0ـ23 سے ہرایا جبکہ سندھ اور واپڈا کے درمیان میچ 1ـ1 سے برابر رہا۔