نیوزی لینڈ سے سیریز میں بدترین شکست پر خوش دل شاہ کی تماشائیوں پر حملہ کرنے کی کوشش

نیوزی لینڈ کے خلاف ون ڈے سیریز میں 3-0 سے سفاک شکست کے بعد پاکستانی ٹیم اور خاص طور پر آل راؤنڈر خوشدل شاہ کو فینز کی شدید تنقید کا سامنا کرنا پڑا۔ 

سنیچر کو ہونے والے آخری میچ میں بھی پاکستان 43 رنز سے ہار گیا، جس کے بعد ناراض شائقین نے کھلاڑیوں کو برا بھلا کہنا شروع کر دیا۔  

30 سالہ خوشدل شاہ سے فینز کے طنزیہ تبصروں اور گالم گلوچ کو برداشت نہ ہو سکا، اور وہ جذباتی ہو کر تماشائیوں کے درمیان جا پہنچے۔

 سوشل میڈیا پر گردش کرنے والی ایک تصویر میں دیکھا جا سکتا ہے کہ خوشدل گرِل کو پار کرنے کی کوشش کر رہے ہیں، لیکن گراؤنڈ مینجمنٹ نے انہیں روک لیا۔  

شائقین کا غصہ پاکستانی بیٹنگ کی کمزوری کی وجہ سے تھا، جس نے 264 رنز کے ہدف کے تعاقب میں صرف 221 رنز بنا کر ٹیم کو ناقابلِ یقین شکست سے دوچار کر دیا۔

 اس کے علاوہ، نیوزی لینڈ کے بے اوول اسٹیڈیم میں لائٹس بند ہونے کی عجیب واقعہ نے بھی میچ کو مزید غیر معمولی بنا دیا، جس پر سوشل میڈیا پر کئی لوگوں نے حیرت اور تشویش کا اظہار کیا۔  

یہ سیریز پاکستانی ٹیم اور ان کے مداحوں کے لیے مایوس کن رہی، جس کے بعد کھلاڑیوں پر تنقید اور جذباتی ردعمل نے صورتحال کو مزید گرم کر دیا۔