پاک بھارت مقابلہ' گورنر سندھ کا قومی ٹیم کے جیتنے پر ایک کروڑ کا اعلان

لندن:  گورنر سندھ کامران ٹیسوری نے کا بھارت کیخلاف کامیابی پر قومی ٹیم کو ایک کروڑ روپے دینے کا اعلان کیا ہے۔

یہ بات انہوں نے لندن میں میڈیا سے گفتگو کرتے ہوئے کہی، انہوں نے کہا کہ میں لندن میں موجود ہوں لیکن میری دعائیں اور دل پاک بھارت ٹاکرے پر لگاہوا ہے۔

کامران ٹیسوری کا کہنا ہے کہ مجھ سمیت پوری قوم اپنی ٹیم کی جیت کے لئے دعاگو ہے، کھلاڑی اپنی پوری لگن سے کھیلیں، جیت انشائاللہ ہماری ہوگی۔

گورنر سندھ نے کہا کہ ان شااللہ قومی ٹیم پاکستان کا سر فخر سے بلند کرے گی۔

 انہوں نے قومی ٹیم کے کھلاڑیوں سے اپیل کی کہ پورا زور لگا دیں، اللہ تعالیٰ ہماری مدد فرمائے گا۔ان کا مزید کہنا تھا کہ قومی ٹیم ہمارے سر کا تاج ہے، جیتو یا ہارو ہم آپ کو ہمیشہ اپنے گلے سے لگائیں گے۔