پاک بھارت ٹاکرا: پاکستان کا ٹاس جیت کر فیلڈنگ کا فیصلہ

آئی سی سی ٹی ٹوئنٹی ورلڈ کپ کے اہم ترین میچ پاک بھارت میچ پاکستان ٹیم کے کپتان بابر اعظم نے ٹاس جیت کر پہلے فیلڈنگ کرنے کا فیصلہ کیا ہے۔

رپورٹس کے مطابق پاک بھارت مقابلہ اب پاکستانی وقت کے مطابق ساڑے 7بجے کے بجائے 8بجے شروع ہوگا، بارش کے باعث میچ آدھے گھنٹے تاخیر سے شروع ہوا۔

بابر اعظم کا کہنا تھا کہ پاکستان ٹیم میں ایک تبدیلی کی گئی ہے ، اعظم خان کی جگہ عماد وسیم کو ٹیم میں شامل کیا گیا ہے، جبکہ موسم کے باعث پہلے فیلڈنگ کرنے کا فیصلہ کیا ہے۔

بھارتی ٹیم کے کپتان روہت شرما نے کہا کہ کوشش کریں گے کہ اچھا ٹارگٹ دیں، جبکہ ہم نے ٹیم میں کوئی تبدیلی نہیں کی ۔

شائقین کرکٹ کی بڑی تعداد اسٹیڈیم پہنچ چکی ہے، جبکہ قومی ٹیم کا جذبہ بھی دیدنی ہے، پاکستانی شائقین کرکٹ بھی پرجوش ہیں۔