پاکستان سہ ملکی سیریز کا چیمپئن بن گیا

پاکستان نے راولپنڈی میں کھیلے گئے سہ ملکی ٹی 20 سیریز کے فائنل میں سری لنکا کو 6 وکٹوں سے شکست دے کر ٹرافی اپنے نام کرلی۔

راولپنڈی کے اسٹیڈیم میں سری لنکا اور پاکستان کےد رمیان سیریز کا فائنل کھیلا گیا جس میں مہمان ٹیم نے پہلے بیٹنگ کرتے ہوئے پاکستان کو جیت کیلیے 115 رنز کا ہدف دیا۔

سری لنکا کی بیٹنگ لائن ریت کا پہاڑ ثابت ہوئی اور 8 کھلاڑی صرف 16 رنز اضافے پر آؤٹ ہوئے جبکہ ڈبل فیگر میں بھی داخل نہ ہوسکے۔

سری لنکا کی جانب سے کامل مشرا سب سے زیادہ 59 رنز بناکر نمایاں بلے باز رہے، شاہین آفریدی اور محمد نواز نے تین تین جبکہ ابرار احمد نے دو، سلمان مرزا اور صائم ایوب نے ایک ایک کھلاڑی کو آؤٹ کیا۔

ہدف کے تعاقب میں پاکستان کی پہلی وکٹ 46 کے مجموعی اسکور پر گری جب صاحبزادہ فرحان 23 رنز بناکر کلین بولڈ ہوئے، پھر 75 رنز پر صائم ایوب بھی 36 رنز کی اننگز کھیل کر پویلین لوٹے۔

بابر اعظم نے ذمہ دارانہ بیٹنگ کرتے ہوئے سب سے زیادہ 37 رنز بنائے جبکہ صائم ایوب 36 کے ساتھ نمایاں بلے باز رہے۔ اس کے علاوہ کپتان سلمان آغا 14 جبکہ فخر زمان تین رنز بناسکے۔

پاکستان نے مقررہ 115 رنز کا ہدف 18.4 اوورز میں چار وکٹوں کے نقصان پر حاصل کیا اور سری لنکا کو 6 وکٹوں سے باآسانی شکست دے دی۔