پاکستانی باکسر عثمان وزیر نے بھارتی کھلاڑی کو شکست دے کر ٹائٹل جیت لیا

گلگت بلستان سے تعلق رکھنے والے نوجوان باکسر عثمان وزیر نے بھارتی کھلاڑی کو ناک آؤٹ کر کے ایک اور ٹائٹل پاکستان کے نام کروادیا۔

تھائی لینڈ میں ہونے والی ویلٹر ویٹ ٹائٹل چیمپئن شپ کے فائنل میں پاکستانی باکسر عثمان وزیر کا بھارت کے سلوام سے مقابل تھا۔

ضابطے کے تحت میچ سے قبل دونوں فائٹرز نے اپنا ویٹ کروایا اور تصاویر بنوائیں۔ 

جیسے ہی میچ شروع ہوا تو پاکستانی باکسر نے جما کر بھارتی کھلاڑی کو دو مکے رسید کیے جو وہ برداشت نہ کرسکا اور رنگ میں گر گیا۔ ناک آؤٹ کی بنیاد پر امپائر نے عثمان وزیر کو فاتح قرار دیا۔

اس سے قبل پہلے راؤنڈ کے شروع ہونے کے چند ہی سیکنڈ بعد عثمان کا زوردار مکا بھی بھارتی باکسر برداشت نہیں کرسکا تھا اور اُس کی سانسیں اکھڑی گئیں تھیں۔

واضح رہے کہ 26 سالہ عثمان وزیر کا تعلق گلگت بلتستان سے ہے جبکہ وہ کیریئر میں مسلسل 14 فائٹس جیتنے کا اعزاز بھی رکھتے ہیں۔