پاکستانی نوجوان کوہ پیما کا سرد ترین چوٹی سر کرنے کا اعلان

پاکستان کے نوجوان کوہ پیما اسد علی میمن دنیا کے سرد ترین مقام انٹارکٹکا کی چوٹی ونسن کو سر کرنے کی ٹھان لی ہے۔

لاڑکانہ سے تعلق رکھنے والے اسد میمن 16ہزار 50 چوٹی سر کرنے دسمبر کے پہلے ہفتہ میں روانہ ہوں گے، ماضی میں دنیا کی بلبد ترین چوٹی ماونٹ ایورسٹ کو سر کرنے والے اسد علی میمن نے کراچی پریس کلب میں منعقدہ پریس کانفرنس میں  کہا کہ 98 فیصدی برف سے ڈھکے مستقل غیر انسانی آبادی والے دنیاکے پانچویں براعظم میں 80- سے 90- سینٹی گریڈ درجہ حرارت تک پہنچ جانے والے موسم کی چوٹی تک رسائی پانا ایک بڑا چیلنج ہوگا۔

انہوں نے کہا کہ 2 برس سے اس مقصد کے حصول کے لیے  ٹریننگ اور اسکردو کے ٹھنڈے موسم میں مشقیں کرکے خود کو موسم کا مقابلہ کرنے کے لیے تیار کیا۔

انہوں نے مزید کہا کہ قوم کی دعائیں شامل رہیں تو ونسن چوٹی کو سر کرنے کے بعد وہاں پاکستانی پرچم لہراوں گا، معاونت اورتعاون پر سندھ حکومت اور دیگر اداروں کا شکر گزار ہوں۔

اسد میمن نے کہا کہ کوہ پیمائی  کے فروغ اور ٹیلنٹ کو سامنے لانے کے لیےاکیڈمی قائم کروں گا۔