شاہد آفریدی کی آرمی چیف سے ملاقات، کرکٹ میں بہتری پر گفتگو، پی سی بی کے اہم عہدے کیلیے دستیابی ظاہر کردی

قومی کرکٹ ٹیم کے سابق کپتان شاہد خان آفریدی نے آرمی چیف جنرل عاصم منیر سے ملاقات کر کے ملک میں کرکٹ کے معیار کو بہتر بنانے کے لیے اپنے تجاویز پیش کی ہیں۔

راولپنڈی میں ہونے والی ملاقات میں شاہد آفریدی نے کہا کہ پاکستانی عوام کے لیے کرکٹ صرف ایک کھیل نہیں بلکہ جذبات سے جڑا ہوا ایک شعبہ ہے۔ 

انہوں نے پی سی بی چیئرمین محسن نقوی کی کاوشوں کو سراہا، لیکن ساتھ ہی یہ بھی کہا کہ "دو بڑے عہدوں پر کام کرنا کسی ایک شعبے کو مکمل توجہ دینے میں رکاوٹ بن سکتا ہے۔"

انہوں نے مزید کہا کہ "اگر محسن نقوی صرف کرکٹ پر توجہ دیں تو پی سی بی کو زیادہ بہتر نتائج مل سکتے ہیں۔"

 ذرائع کے مطابق، شاہد آفریدی نے پی سی بی میں اپنا کردار ادا کرنے کی بھی آمادگی ظاہر کی ہے۔  

یہ ملاقات پاکستان کرکٹ کے مستقبل کے حوالے سے ایک اہم قدم تصور کی جا رہی ہے۔