سری لنکن کوچ ٹیم کی شکست پر مایوس ہوگئے

راولپنڈی: سری لنکن ٹیم کے بیٹنگ کوچ جولین ووڈ نے ون ڈے سیریز میں پاکستانی ٹیم سے شکست پر مایوسی کااظہارکرتے ہوئے کہا ہے کہ بار بار ہماری ٹیم ایک ہی طرح کی غلطی کررہی ہے۔

جولین ووڈ نے گفتگو کرتے ہوئے کہا کہ سری لنکن بیٹرز نے پاور پلے میں اچھی بیٹنگ کی، ورلڈ کپ 2027 کی تیاری ابھی سے شروع کرنی ہے۔

انہوں نے کہا کہ پاکستان نے حال ہی میں کافی کرکٹ کھیلی ہے، میں پاکستان میں کئی بار آیا، پاکستان میں کرکٹ سے محظوظ ہوتا ہوں۔

سری لنکن بیٹنگ کوچ نے کہا کہ پاکستانی فینز کا سری لنکا کو سپورٹ کرنا خوشی کی بات تھی۔انہوں نے کہا کہ سری لنکا کو پہلا میچ جیتنا چاہیے تھا، دوسرے میچ میں اسکور کم کیا۔