طویل القامت پاکستانی نصیر سومرو انتقال کرگئے

دنیا کے طویل القامت لوگوں میں شمار پاکستانی طویل علالت کے بعد 55 سال کی عمر میں انتقال کرگئے۔

نصیر سومرو پھیپھڑوں کے عارضے میں مبتلا تھے جس کی وجہ سے انہیں سانس لینے میں دشواری کا سامنا تھا اور وہ مشین کی مدد سے بھی سانس لیتے تھے۔

ان کے بھائی ریاض سومرو نے ان کی موت کی تصدیق کرتے ہوئے بتایا کہ وہ کئی مہینوں سے گھر پر علاج کروا رہے تھے۔  

ان کی نمازِ جنازہ کل صبح شکارپور میں ادا کی جائے گی۔  

7 فٹ 9 انچ کے قد کے مالک ناصر سومرو اپنی غیر معمولی لمبائی کی وجہ سے پوری دنیا میں مشہور تھے۔ ان کے قد کی وجہ سے انہیں نیشنل ایئر لائن نے نوکری کی پیشکش بھی کی تھی۔