بھارت کے ارب پتی تاجر نے بیٹے کی سادگی سے شادی کر کے خطیر رقم عطیہ کردی

دنیا کے امیر ترین افراد میں شمار ہونے والے بھارتی تاجر گوتھم اڈانی نے اپنے بیٹے کی شادی سادگی سے کر کے 10 ہزار کروڑ کی خطیر رقم عطیہ کردی۔

سوشل میڈیا پر خبریں گردش کر رہی تھیں کہ اڈانی اپنے بیٹے جیت اڈانی کی شادی کے لیے بڑی تقریبات کا انعقاد کریں گے۔

 تاہم، ارب پتی تاجر نے دولت کی نمائش سے گریز کرتے ہوئے احمد آباد میں ایک سادہ اور نجی تقریب کا انتخاب کیا۔

اڈانی نے X پر ایک پوسٹ میں لکھا، "شادی آج احمد آباد میں روایتی رسومات اور اپنے پیاروں کے درمیان شُبھ منگل بھاو کے ساتھ ہوئی۔ یہ ایک چھوٹی اور انتہائی نجی تقریب تھی، اس لیے خاص لوگوں کو مدعو کیا گیا۔

انہوں نے لکھا کہ شادی کو سادہ رکھنے کیلیے سب کو دعوت نہیں دے سکے، جس کے لیے میں معذرت خواہ ہوں۔ میں آپ سب سے اپنی بیٹی دیوا اور جیت کے لیے دعا اور محبت کی عاجزانہ درخواست کرتا ہوں۔"

شادی نے اڈانی کے سماجی فلسفے کو اجاگر کیا، جو ذاتی شان و شوکت پر معاشرے کی خدمت کو ترجیح دیتا ہے۔

بھارتی میڈیا کے مطابق، اڈانی نے صحت، تعلیم اور ہنر کی ترقی کے لیے 10,000 کروڑ روپے (300 ارب روپے) عطیہ کیے۔

شادی 7 فروری کو ایک قریبی محفل میں ہوئی جس میں صرف قریبی خاندان اور دوست شریک تھے۔ روایتی گجراتی شادی کی رسومات ادا کی گئیں۔

اس تقریب میں کوئی مشہور شخصیات، سیاستدان، یا بین الاقوامی شخصیات مدعو نہیں تھیں۔

جیت اڈانی نے ڈائمنڈ تاجر جیمین شاہ کی بیٹی دیوا شاہ کے ساتھ شادی کی۔

اپنے بیٹے کی شادی سے چند روز قبل، گوتھم اڈانی نے معذور نومولود خواتین کی مدد کے لیے ایک پروگرام کا بھی اعلان کیا۔