بھارت میں انتخابات، مقبوضہ کشمیر میں ووٹنگ

کشمیر کی خصوصی حیثیت ختم ہونے کے بعد پہلی بار بھارت کے ساتھ عام انتخابات ہوئے ہیں۔

تفصیلات کے مطابق بھارت میں ہونے والے لو ک سبھا کے انتخابات کے چوتھے مرحلے میں مقبوضہ کشمیر میں بھی ووٹنگ ہوئی اس کے علاوہ بھارت کی 9 ریاستوں میں 96 نشستوں پر اپنے امیدوار کیلیے حق رائے دہی استعمال کیا۔

ووٹنگ میں  مجموعی ٹرن آؤٹ 62.9 فیصد رہا۔ واضح رہے کہ 2019 میں آرٹیکل 370 کی منسوخی کے بعد مقبوضہ کشمیر میں پہلی مرتبہ انتخابات ہوئے جہاں سری نگر کی نشست پر ووٹنگ ہوئی۔

مقبوضہ کشمیر میں انتخابی ڈرامے کی آڑ میں بھارتی فورسز نے بھاری نفری تعینات کی جبکہ لوگوں کی نگرانی کیلئے ڈرون سمیت جدید ٹیکنالوجی کا استعمال کیا گیا۔ نیشنل کانفرنس کے رہنما فاروق عبداللہ اور ان کے بیٹے عمر عبداللہ نے بھی اپنا ووٹ کاسٹ کیا۔