برطانوی عدالت نے پاکستانی شہری کو قید کی سزا کس جرم میں سنائی؟

برطانیہ کی عدالت نے  دہشت گردی کا الزام ثابت ہونے پر پاکستانی نژاد انجم چوہدری کو عمر قید کی سزا سنا دی۔ 

برطانوی میڈیا کے مطابق انجم چوہدری کو 26 سال قید  کی سزا دہشت گردی ک ا الزام ثابت ہونے پر  سنائی گئی ہے۔ میڈیا رپورٹ کے مطابق انجم چوہدری پر شدت پسند تنظیم المہاجرون کی سربراہی کا الزام ہے، انہیں گزشتہ برس 17 جولائی کو گرفتار کیا گیا تھا۔

انجم چوہدری کی رہائی اب 85 برس کی عمر میں ہی ممکن ہوسکے گی۔ اُن پر دہشت گرد تنظیم کو ہدایات دینے کا مقدمہ وولچ کراؤن کورٹ  میں انسداد دہشت گردی کی عدالت میں چلایا گیا۔

رپورٹ کے مطابق انجم چوہدری کو خود کو بے گناہ ثابت کرنے کا بھرپور موقع بھی فراہم کیا گیا تاہم وہ اپنے دفاع میں ناکا مرہے اور المہاجرون نامی تنظیم کو بطور نگراں سربراہ ہدایات دینے کا اعتراف بھی کیا۔ میڈیا رپورٹ کے مطابق انجم چوہدھری کو 2016 میں داعش کی حمایت کے جرم میں بھی سزا سنائی گئی تھی۔