چند گھنٹوں میں بھارتی فضائیہ کو دو بڑے جھٹکے

بھارتی فضائیہ کے ایک ہی دن میں دو طیارے گر کر تباہ ہوگئے، جن میں سے ایک لڑاکا طیارہ بھی تھا۔

پہلا واقعہ ہریانہ کے قریب پیش آیا، جہاں بھارتی فضائیہ کا جیگوار لڑاکا طیارہ تربیتی مشق کے دوران گر کر تباہ ہوگیا۔ 

بھارتی فضائیہ کے مطابق، طیارہ امبالا ایئر بیس سے اڑا تھا اور تکنیکی خرابی کی وجہ سے حادثہ پیش آیا۔ پائلٹ نے طیارے کو آبادی سے دور لے جا کر بحفاظت نکلنے میں کامیابی حاصل کی اور اسے طبی امداد کے لیے اسپتال منتقل کردیا گیا۔ واقعے کی تحقیقات کا حکم دے دیا گیا ہے۔

دوسرا واقعہ مغربی بنگال میں پیش آیا، جہاں بھارتی فضائیہ کا ٹرانسپورٹ طیارہ اے این 32 بگڈوگرا ایئرپورٹ پر حادثے کا شکار ہوا۔ خوش قسمتی سے اس حادثے میں کوئی جانی نقصان نہیں ہوا اور عملہ محفوظ رہا۔

 دونوں واقعات کی تفصیلی تحقیقات جاری ہیں۔